Қазақстан қоғамында соңғы жылдары құқықтық мәдениет деңгейінің қарқынды өсуі байқалуда
Қазақстан қоғамында соңғы жылдары құқықтық мәдениет деңгейінің қарқынды өсуі байқалуда. Азаматтардың заңдарды білуге және сақтауға деген ұмтылысы айтарлықтай артты. Бұл мемлекетіміздің құқықтық мемлекет ретінде дамуының басты көрсеткіштерінің бірі. Құқықтық мәдениеттің қалыптасуы еліміздің демократиялық құндылықтарды сақтап, азаматтық қоғам құру жолындағы маңызды қадамдарының бірі болып табылады.
Құқықтық мәдениеттің жоғары деңгейі азаматтардың заңдарды түсінуінен және оны құрметтеуінен басталады. Бүгінгі таңда Қазақстан азаматтары заңдарды зерделеу арқылы өз құқықтарын, міндеттерін және жауапкершілігін нақты түсінеді. Бұл заң бұзушылықтарды азайтып, қоғамда құқықтық тәртіпті нығайтуға септігін тигізуде. Азаматтар құқық қорғау органдарымен сындарлы диалог жүргізе отырып, кез келген құқықтық мәселелерді шешудің жолдарын іздейді. Мұндай қарым-қатынас азаматтық қоғам мен құқық қорғау жүйесінің тиімділігін арттырады.
Сонымен қатар, қоғамда заң бұзушылыққа қарсы иммунитет қалыптасып келеді. Бұл ұғым тек заңдарды сақтау ғана емес, сонымен бірге кез келген құқық бұзушылық әрекеттерге төзбеушілік таныту және әділдік қағидаттарын ұстануды білдіреді. Мұндай иммунитеттің қалыптасуы – құқықтық мәдениеттің жоғары деңгейін көрсететін маңызды белгі.
Мемлекет бұл процесті қолдау үшін халықтың құқықтық сауаттылығын арттыру шараларын қабылдауда. Азаматтарға заңнамалық актілер мен құқықтық нормаларды түсіндіру бойынша түрлі бағдарламалар, оқыту курстары және ақпараттық науқандар өткізіліп келеді. Мемлекет білім беру жүйесі арқылы жас ұрпақтың құқықтық санасын жүйелі түрде тереңдетіп, кеңейтуде.
Елімізде жоғары құқықтық мәдениет қалыптасып келеді деген пікір толығымен расталады. Бұл үдеріс қоғамның құқықтық санасының артуы, заңдарды сақтау және құқық қорғау органдарымен сындарлы диалог жүргізу арқылы жүзеге асуда. Құқықтық мәдениет деңгейінің өсуі Қазақстанның тұрақты дамуы мен азаматтық қоғамның қалыптасуына зор ықпал етеді.
Асель Абдырайымова.