Қазақстан болашағы жастардың қолында, сондықтан мемлекет олардың дамуына ерекше көңіл бөліп, маңызды шешімдер қабылдауда

Қазақстан болашағы жастардың қолында, сондықтан мемлекет олардың дамуына ерекше көңіл бөліп, маңызды шешімдер қабылдауда. 2024 жылғы Жолдауда айтылғандай, жас ұрпақтың әл-ауқатын арттыру мақсатында Ұлттық қордағы қаржының бір бөлігі балалардың есепшотына аударыла бастайды. Бұл бастама – ел жастарының болашағына жасалған үлкен инвестиция, олардың қаржылық тұрақтылығын қамтамасыз етуге бағытталған маңызды қадам.
Сонымен қатар, келер жылы халқымыздың тарихына байланысты бірқатар маңызды іс-шаралар өткізіледі. Ұлт тұлғаларын дәріптеу, олардың еңбегін ұмытпау – әрбір азаматтың парызы. Өткенін бағалайтын, тарихи мұрасын құрметтейтін ел ғана алға қарай сенімді қадам баса алады.
2024 жылы елімізде өтетін Дүниежүзілік көшпенділер ойыны – ұлттық спорт пен мәдениеттің дамуына ықпал ететін ауқымды шаралардың бірі. Сонымен қатар, қазақстандық спортшылардың Жазғы Олимпиадаға қатысуы – ел беделін арттыратын маңызды оқиға. Спорттағы жетістіктер – тек жеке атлеттердің ғана емес, тұтас мемлекеттің дамуы мен күш-қуатының айғағы.
Жалпы, әрбір азамат өз саласының білікті маманы болуға ұмтылуы тиіс. Білім мен еңбекқорлық – дамудың негізгі қозғаушы күші. Егер әркім өз ісін адал атқарса, еліміз өркендеп, бәсекеге қабілетті мемлекетке айналады. Ел дамуына үлес қосу – әрбір жастың жауапкершілігі. Сондықтан білім алуға, дағдыларды дамытуға және еліміздің өркендеуіне үлес қосуға ұмтылу – басты міндет.

Асель Абдырайымова.