Бүгін Жезқазған қаласы әкімінің орынбасары Б. Әбеннің төрағалығымен “Қоғамдық тәртіп пен қауіпсіздікті қамтамасыз ету” тақырыбында дөңгелек үстел өтті.

🔷Іс-шараға ҚР Адам құқықтары жөніндегі уәкілдің Ұлытау облысы бойынша өкілі – А.Кәрімов, “Халықаралық медиация орталығы” Республикалық қоғамдық бірлестігінің Ұлытау облысы бойынша директоры – Ж.Есмурзина, Ұлытау облысы бойынша бала құқығын қорғау уәкілі – Г.Жаппасова, қала прокуратурасының қызметкерлері, полиция басқармасының өкілдері, ақсақалдар кеңесі, аналар кеңесі, үкіметтік емес ұйымдар, қала белсенділері және жастар ресурстық орталығының мамандары қатысты.

🔷Кездесу барысында қоғамдағы шиеленісті болдырмау, азаматтардың бостандықтары мен заңды мүдделерін қорғау мәселелері талқыланып, үш негізгі мәселе қаралды:

🔺 Қоғамдық тәртіп пен қауіпсіздікті қамтамасыз ету және адам құқықтары жөніндегі уәкілдің міндеттері;
🔺Қазақстан Республикасы Әкімшілік құқық бұзушылық туралы Кодексінің 73-бабының 1-бөлігі (отбасы-тұрмыстық қатынастар аясындағы құқыққа қарсы әрекеттер) бойынша қозғалған әкімшілік істер;
🔺Баланың құқықтарын қорғау және олардың қауіпсіздігін қамтамасыз ету.

🔹Сонымен қатар, “Заң және тәртіп” қағидатын ілгерілету мақсатында бекітілген республикалық медиа-жоспар аясында қоғамдық тәртіп пен қауіпсіздікті қамтамасыз етуге бағытталған шаралар қарастырылды.