«Бағаларды реттеу және өнімсіз делдалдықпен күресудің тиімді шаралары: аймақ бюджетінің үнемделуіне маңызды қадамдар»
ҚР ҚМА-ның аумақтық бөліністері шығындарды оңтайландыру және бюджет қаражаттарын тиімді пайдалану үшін белсенді түрде шаралар қабылдауда. Басым бағыттардың бірі әлеуметтік маңызы бар азық-түлік тауарларына (ӘМАТ) баға белгілеу және өнімсіз делдалдықпен күресу болып табылады, себебі ол негізсіз қосымша шығындарға әкеп соғады. Арнайы құрылған комиссияның жұмысы аясында, оған құқық қорғау және мемлекеттік органдар, жергілікті атқарушы органдардың өкілдері кіріп, шығындарды азайту және сатып алу мен жеткізу процесінің ашықтығын арттыруға бағытталған шаралар енгізілуде. Жүргізілген тексерулер мен талдаулардың нәтижелері көрсеткендей, бұл шаралар айтарлықтай экономикалық тиімділік әкелуде, бюджет қаражаттарын үнемдеуге және кәсіпкерлер үшін жағдайды жақсартуға мүмкіндік береді.
Ұлытау облысы бойынша экономикалық тергеп-тексеру департаменті мектепке дейінгі және білім беру ұйымдарында ӘМАТ бағаларына жүргізген мониторинг пен талдау нәтижесінде айтарлықтай нәтижелерге қол жеткізілді. Бұл бюджет шығындарының оңтайландырылуына айтарлықтай үлес қосу болып табылады.
Жұмыстың маңызды аспектісі болып, ӘМАТ-ты үстемеленген баға бойынша сататын адал емес жеткізушілерді анықтау болды.Тексерулер барысында 10 көтерме жеткізуші анықталды, олар бағасы рұқсат етілген шекті мөлшерден асыра баға қойған. 6 кәсіпкерге қатысты әкімшілік жауапкершілік шаралары қолданылды. Нәтижесінде, азық-түлік бағалары орта есеппен 12%-ға төмендеді, бұл тауарлардың қолжетімділігін арттырды және бюджет қаражаттарының үнемделуіне септігін тигізді.
Ерекше назар битум жеткізуде өнімсіз делдалдықпен күресуге аударылды. Анықталғандай, делдалдар қосқан негізсіз шығындар себебінен битум бағасы 2,5 есеге қымбаттаған. Облыстық экономикалық тергеп-тексеру қызметінің араласуымен «Қаражамбасмұнай» АҚ және «CaspiBitum» ЖШС секілді зауыттармен тікелей жеткізу келісімдері жасалды, бұл бизнеске 640 миллион теңгеден астам үнемдеуге мүмкіндік берді. Нәтижесінде, аймақтың құрылыс компаниялары материалдарды арзанырақ сатып алып, жол жөндеу жұмыстарының құны төмендеуіне септігін тигізді.
Бұл іс-шаралардың табысты болуының кепілі — барлық жобаларды жүзеге асыру және сатып алу процесінің заңдылығын қамтамасыз ету бойынша қатаң бақылау. «Заң мен тәртіп» — бұл тек ұран емес, бюджетті және қаржылық ресурстарды тиімді басқарудың негізі. Бағаларды мониторингіден бастап, тарифтік сметаларды тексеруге дейінгі әр қадам ашықтық, айқындық және әділдік принциптеріне сай болуы тиіс. Тек осындай күш-жігердің арқасында қажетсіз шығындарды азайтып қана қоймай, бизнестің дамуына және азаматтардың өмір сүру сапасын жақсартуға қолайлы жағдай жасалады.
Сондықтан әлеуметтік маңызы бар азық-түлік тауарларына бағаны реттеу, өнімсіз делдалдықпен күрес және тариф саясатын оңтайландыру бойынша кешенді шаралар бюджет қаражаттарын айтарлықтай үнемдеуге мүмкіндік берді. Бұл бастамалардың нәтижесі тек материалдық пайда ғана емес, сонымен қатар азаматтар мен кәсіпкерлердің мемлекетке, құқық қорғау органдарына деген сенімін арттыру болып табылады, себебі олар аймақтағы заңдылық пен тәртіпті қамтамасыз етеді. Жезқазған және Сәтпаев қалаларының үлгісі көрсеткендей, адалдық пен ашықтық принциптеріне негізделген ресурстарды дұрыс басқару айтарлықтай оң өзгерістерге әкеледі, бұл қоғамның өмір деңгейіне әсер етеді.
Ұлытау облысы бойынша ЭТТД