Президент Қасым-Жомарт Тоқаевтың 2024 жылғы Қазақстан халқына Жолдауында елдің одан әрі дамуының негізгі бағыттары айқындалды.
Президент Қасым-Жомарт Тоқаевтың 2024 жылғы Қазақстан халқына Жолдауында елдің одан әрі дамуының негізгі бағыттары айқындалды. Жолдаудың басты мақсаты — әділетті және тұрақты Қазақстанды құру арқылы азаматтардың өмір сапасын жақсарту. Президент экономикалық өсімді жеделдетіп, әлеуметтік теңсіздікті азайту үшін нақты қадамдар ұсынды.
2025 жыл «Жұмысшы мамандықтар жылы» деп жарияланды, бұл елдің кадрлық әлеуетін күшейтуге бағытталған маңызды шара. Сонымен қатар, банктердің экономикаға белсенді қатысуын күшейту, шағын және орта бизнесті дамыту үшін қаржыландыруды арттыру тапсырылды. Экология мәселесіне ерекше назар аударылып, орман алқаптарын көбейту жоспары айтылды.
Медицина саласында мемлекет кепілдік беретін базалық медициналық көмек топтамасын әзірлеу және білікті мамандар тапшылығын жою жолдары қарастырылды. Сонымен қатар, ауыл әкімдерін сайлау тәжірибесін жетілдіру қажеттілігі айтылды, бұл жергілікті басқарудың ашықтығын қамтамасыз етпек.
қоғам белсендісі, блогер, қоғамдық пікір көшбасшысы Айнұр Нысанбаева