Құқық қорғау органдары –елдің ішкі тұрақтылығы мен қауіпсіздігін қамтамасыз ететін маңызды құрылымдардың бірі.
Құқық қорғау органдары –елдің ішкі тұрақтылығы мен қауіпсіздігін қамтамасыз ететін маңызды құрылымдардың бірі. Олардың жұмысы тек заңды бұзушыларды жазалаумен шектелмейді, сонымен қатар қоғамда құқықтық тәртіпті сақтауға бағытталған профилактикалық шаралар мен ақпараттық жұмыстарды да қамтиды. Құқық қорғаушы органдардың басты мақсаты – азаматтардың бойында заңсыздыққа қарсы мүлдем төзбеушілікті қалыптастыру және қоғамда заңды құрметтеу мәдениетін нығайту. Бұл мақсатты жүзеге асыру үшін олар құқық бұзушылықтың алдын алу, заңсыз әрекеттердің салдары туралы ақпарат тарату және жоғары құқықтық стандарттарды ұстану сияқты шараларды жүзеге асырады.
Бірінші кезекте, құқық бұзушылықтың алдын алу – құқық қорғау органдарының ең маңызды қызметтерінің бірі. Әрбір азаматтың өз құқығын білуі және оны қорғауы маңызды болғандықтан, құқық қорғаушы органдар үнемі азаматтармен байланыс орнатып, заңдарды түсіндіру жұмыстарын жүргізеді. Бұл жұмыстар азаматтардың құқықтары мен міндеттері туралы хабардар болуына көмектеседі, сондай-ақ оларды құқықтық сауаттылыққа тәрбиелейді. Мұндай профилактикалық шаралар арқылы азаматтар өздерінің құқықтары мен бостандықтарын қорғай отырып, заңсыз әрекеттерге баруға жол бермейді.
Екіншіден, құқық қорғау органдарының тағы бір маңызды міндеті – заңсыз әрекеттердің салдары туралы ақпарат тарату. Қоғамда қылмыс пен құқық бұзушылықтың салдарынан туындайтын зиянды түсіндіру жұмыстары арқылы, азаматтар өз әрекеттерінің нәтижелерін алдын ала болжай алады. Бұл, әсіресе, жастар арасында қылмысқа қарсы мәдениетті қалыптастыру үшін аса маңызды. Егер адам заңды бұзудың қандай ауыр зардаптарға әкеліп соғатынын түсінсе, ол мұндай әрекетке барудан бас тартады.
Үшіншіден, құқық қорғау органдарының жоғары құқықтық стандарттарды сақтау арқылы азаматтардың бойында заңға деген құрметті нығайтуға ықпал ететін рөлі зор. Құқық қорғаушы органдардың әділдігі, ашықтығы және заңға сәйкес әрекет етуі қоғамның заңды құрметтеуге деген көзқарасын қалыптастырады. Қоғамда заңды бұзушылардың жазасыз қалуы немесе әділетсіз шешімдер қабылдануы құқықтың үстемдігін әлсіретеді. Ал құқық қорғау органдарының өз іс-әрекетінде заңға толық сәйкес болуы қоғамның сенімін арттырып, азаматтардың құқық қорғау органдарына деген оң көзқарасын қалыптастырады.
Құқық қорғау органдарының жұмысы азаматтардың бойында заңсыздыққа қарсы мүлдем төзбеушілікті қалыптастыруда маңызды рөл атқарады. Заң бұзушылықтың алдын алу, заңсыз әрекеттердің салдарын түсіндіру және құқықтық стандарттарды сақтау арқылы құқық қорғаушы органдар қоғамда заңның үстемдігін орнатуға, құқықтық тәртіпті сақтауға және жалпы заңсыздыққа қарсы мүлдем төзбеушілікті қалыптастыруға зор үлес қосады.
Ерлан Конысбек.