Қоғамның тұрақтылығы мен азаматтардың қауіпсіздігі құқық қорғау органдарының тиімді жұмысына тікелей байланысты

Қоғамның тұрақтылығы мен азаматтардың қауіпсіздігі құқық қорғау органдарының тиімді жұмысына тікелей байланысты. Құқық қорғау, қадағалау және арнайы органдар азаматтардың құқықтары мен бостандықтарын мүлтіксіз сақтауға басымдық береді. Олар заң талаптарын бұлжытпай орындай отырып, азаматтардың әрбір өтінішіне жедел әрі әділ жауап беруге міндетті.
Бұл органдардың басты мақсаты – айыптау көрсеткіштерін арттыру емес, керісінше, заңдылық пен әділеттілікті қамтамасыз ету. Құқық қорғау жүйесінің басты құндылығы – адамның негізгі құқықтары мен бостандықтарын қорғау. Осыған орай, олар кез келген озбырлық пен заңсыздыққа қарсы күрес жүргізеді. Құқық қорғау саласындағы азаптау, заңсыз күш қолдану және басқа да құқық бұзушылықтарға қатаң тыйым салынып, олардың алдын алу үшін жүйелі шаралар қабылданады. Бұл – қоғамдағы сенім деңгейін арттырудың маңызды факторы.
Сондай-ақ, құқық қорғау органдары кәсіпкерлік қызметке заңсыз араласудың кез келген түріне жол бермеуге тиіс. Бұл кәсіпкерліктің еркін дамуына, экономикалық өсімнің артуына және қоғамның әл-ауқатының жақсаруына септігін тигізеді. Кәсіпкерлікті қорғау мақсатында жүргізілетін бақылау-қадағалау және тергеу әрекеттері тек заң аясында ғана жүзеге асырылуы керек.
Құқық қорғау органдарының жұмысы әділдік пен заңдылыққа негізделгенде ғана қоғамда тәртіп орнайды. Адам құқықтарының сақталуы, қауіпсіздіктің қамтамасыз етілуі және экономиканың дамуы – осы органдардың адал әрі ашық қызмет етуіне тікелей байланысты. Сол себепті, олардың жұмысын үнемі жетілдіріп, азаматтардың құқықтарын қорғауда тиімді әрі әділ тетіктерді енгізу – басты міндеттердің бірі болып табылады
Асель Абдырайымова.