2024 жылғы Жолдау аясында Мемлекет басшысы ел дамуының басты бағытын тағы да айқындап берді
2024 жылғы Жолдау аясында Мемлекет басшысы ел дамуының басты бағытын тағы да айқындап берді. Еліміздің басты құндылығы – адам деген ой елдегі барлық реформалардың түпқазығы ретінде ерекше атап өтілді. Адам капиталына стратегиялық инвестиция салу – Қазақстанның орнықты дамуы мен ұзақмерзімді болашағының негізгі кепілі.
Ұлттық байлықты тең бөлу және мүмкіндіктерге тең қол жеткізу
Президент атап өткендей, ұлттық байлық халық игілігіне қызмет етуі тиіс. Экономикалық реформалардың басты мақсаты – қоғамдағы теңсіздікті азайту, әр азаматқа тең мүмкіндік беру және әл-ауқатты арттыру. Әлеуметтік әділеттілікті қамтамасыз ету – бұл тек экономикалық саясаттың емес, сонымен бірге мемлекеттің тұрақты дамуының негізі.
Ұлттық байлықты тең бөлу саясаты аясында әлеуметтік қолдау шаралары жетілдіріліп, мұқтаж топтарға көмек көрсету механизмдері жаңартылуда. Сонымен қатар, орта және шағын кәсіпкерлікті дамыту үшін жағдай жасалуда, бұл азаматтарға өз әлеуетін жүзеге асыруға мүмкіндік береді.
Ұлт саулығы – қоғамның тұрақты дамуының негізі
Ел болашағына жасалатын басты инвестиция – ұлттың денсаулығын нығайту. Президент атап өткендей, «Ұлт саулығы жақсы болса ғана, қоғам орнықты дамиды». Денсаулық сақтау саласын дамытуға ерекше көңіл бөлініп, сапалы медициналық қызметтерді қолжетімді ету, ауылдық жерлердегі медициналық инфрақұрылымды нығайту жұмыстары жалғасуда.
Сонымен қатар, салауатты өмір салтын насихаттау, дұрыс тамақтану мәдениетін қалыптастыру және экологиялық ахуалды жақсарту шаралары қолға алынуда. Бұл қоғамның жалпы өмір сүру сапасын жақсартып, әр азаматтың денсаулығын сақтауға мүмкіндік береді.
Болашаққа стратегиялық қадамдар
Президенттің Жолдауы Қазақстанның жаңа дәуірдегі басты міндеттерін көрсетеді. Адам капиталына инвестиция салып, халықтың әлеуетін арттыру арқылы мемлекет қоғамның әл-ауқатын қамтамасыз етіп, ұзақмерзімді тұрақтылыққа қол жеткізе алады. Бұл – тек экономикалық өсудің емес, сондай-ақ әлеуметтік дамудың және ұлттық бірліктің негізі.
2024 жылғы Жолдау адамға деген қамқорлықты ел саясатының басым бағыты ретінде көрсетіп, болашаққа сенімді қадам жасаудың айқын жолын ұсынады.
Асель Абдырайымова.