Президенттің 2024 жылғы Жолдауы Қазақстанның даму жолындағы маңызды қадамдарды айқындап, халықтың әл-ауқатын арттыруға бағытталған нақты шараларды ұсынды

Президенттің 2024 жылғы Жолдауы Қазақстанның даму жолындағы маңызды қадамдарды айқындап, халықтың әл-ауқатын арттыруға бағытталған нақты шараларды ұсынды. Қоғамда заң мен тәртіп идеологиясын терең орнықтыру – елдің тұрақтылығы мен қауіпсіздігін қамтамасыз етудің басты тетігі. Бұл – құқықтық тәртіпті сақтау арқылы әлеуметтік-экономикалық және мәдени өрлеуге қол жеткізудің кепілі.
Цифрлық технологиялар қазіргі қоғамның ажырамас бөлігіне айналғаны анық. Олар бір жағынан өмірімізді жеңілдетіп, мүмкіндіктерді кеңейтсе, екінші жағынан түрлі алаяқтық әрекеттердің өршуіне себеп болуда. Бұл жағдай азаматтарды қаржылық және цифрлық сауаттылыққа ерекше мән беруге шақырады.
Осы тұрғыда, «Amanat» партиясы қолға алған «Қарызсыз қоғам» жобасы қаржылық тұрақтылық пен азаматтардың жеке әл-ауқатын жақсартуға бағытталған маңызды бастама. Жобаның басты мақсаты – азаматтарды қаржылық сауаттылық негіздеріне үйретіп, олардың жеке және отбасылық бюджетін тиімді басқаруына қолдау көрсету. 2023 жылы 65 мың азамат бұл бағдарламаға қатысып, өз білімдерін жетілдірді. Ал 2024 жылы бұл көрсеткіштің артуы күтілуде, бұл халықтың қаржылық сауаттылыққа деген сұранысының жоғары екендігін көрсетеді.
Сонымен қатар, жоба тек жеке тұлғалардың ғана емес, жалпы қоғамның қаржылық қауіпсіздігін қамтамасыз етуді көздейді. Бұл бастама мемлекет тарапынан да, азаматтық қоғам тарапынан да жан-жақты қолдау тауып отыр.
Мұндай жобалар қаржылық сауаттылықты арттырумен қатар, экономикалық тұрақтылық, заң үстемдігі және әділетті қоғам құру жолындағы маңызды қадамдардың бірі болып саналады.
Президент атап өткендей, әрбір азамат өзінің қаржылық білімін жетілдіріп, цифрлық технологияларды тиімді қолдануды үйренуі қажет. Бұл – жеке қауіпсіздікті ғана емес, жалпы елдің тұрақтылығын сақтаудың алғышарты.
Мұндай бастамалар Қазақстанның жарқын болашағы үшін маңызды үлес болып табылады.

Гульнур Берикова.