БАЙҚОҢЫР АУЫЛЫНДА КӨПСАЛАЛЫ КОРТ ЖАҢАРТЫЛДЫ
Байқоңыр ауылында балалар мен жасөспірімдердің спортпен тұрақты айналысуына, бос уақытын тиімді өткізуіне және салауатты өмір салтын қалыптастыруына қолайлы жағдай жасау мақсатында көпсалалы кортқа ағымдағы жөндеу жұмыстары жүргізілді.
Жаңартылған спорт алаңы ауыл тұрғындары үшін спортпен шұғылдануға қолайлы әрі қауіпсіз орта қалыптастырып, бұқаралық спортты дамытуға өз үлесін қоспақ.
Көпсалалы корттың ағымдағы жөндеу жұмыстарын сапалы жүргізіп, ауылдың спорттық инфрақұрылымын жақсартуға үлес қосқан «Мерей-Мариям» мүгедектігі бар адамдар қауымдастығына шынайы алғысымызды білдіреміз!
Жас ұрпақтың игілігі жолындағы әрбір игі бастама – болашаққа жасалған маңызды қадам. Осындай ортақ іске атсалысып, қолдау көрсеткен азаматтар мен ұйымдарға ризашылығымызды білдіреміз!
#БайқоңырАуылы #ҰлытауАуданы #Спорт #КөпсалалыКорт #СалауаттыӨмірСалты