«Экономикалық қауіпсіздік сенімді қолда - біздің ортамыздағы батыр!»

Қазіргі заманғы әлемде цифрлық технологиялар мен инновациялар өмір салтын ғана емес, қылмыс жасау әдістерін де өзгертуде. Осы орайда экономикалық қылмыстармен күрестегі құқық қорғау органдарының рөлі ерекше маңызды болып отыр. Бұл тұрғыда мамандардың кәсібилігі қоғамның қауіпсіздігі мен тұрақтылығының кепілі болып табылады. Мұндай мамандардың бірі — экономикалық тергеп-тексеру қызметінің аға лейтенанты, аса маңызды істер бойынша тергеуші Арон Сейдгазимов. Оның қызметі тек қана тергеумен шектелмей, қоғамға, елге адал қызмет ету, экономикалық әл-ауқатты қаржылық теріс пайдалану мен қылмыстық схемалардан қорғауға бағытталған.

Қарағанды қаласынан шыққан Арон Сейдгазимов өз білімін қоғам игілігіне жұмсауды әрдайым мақсат тұтты. 2019 жылы ол Қарағанды экономикалық университетін «Қаржы» мамандығы бойынша үздік тәмамдады. Әскерде қызмет еткеннен кейін, 2020 жылы Арон құқық қорғау органдарында еңбек жолын жалғастыруды шешіп, экономикалық қылмыстарды тергеу саласындағы күрделі, бірақ маңызды мамандықты таңдады.

Өз білімін тереңдетіп, осы саланың маманы болу үшін ол Қазақстан Республикасы Бас прокуратурасы жанындағы Құқық қорғау органдары академиясына оқуға түсті. 2022 жылы оқуды тәмамдағаннан кейін, ол Қарағанды облысы экономикалық тергеп-тексеру департаментіне жұмысқа қабылданып, кейін Ұлытау облысында жаңадан құрылған департаментке ауыстырылды, онда қазіргі уақытта да қызмет атқаруда.

Департаментке қызметке кіріскен сәттен бастап Арон Сейдгазимов жоғары білікті маман ретінде көзге түсті. Сотқа жіберілген 14 қылмыстық іс бойынша 11-і айыптау үкімдерімен аяқталды, ал мемлекеттік бюджетке 77 млн теңгеден астам қаражат қайтарылды. Бұл тергеушінің ұқыптылығы мен жауапкершілігінің нәтижесі.

Арон Сейдгазимов тергеген резонансты қылмыстардың бірі «MetaGo» қаржылық пирамидасы туралы іс болды. Бұл схема ұйымдастырушылары азаматтарға жылдам пайда табуды ұсынып, оларды үлкен сомаларға алдаған. Олардың іс-әрекеті нәтижесінде 68 млн теңге көлемінде залал келтірілді. Тергеу барысында алданған азаматтарға 37 млн теңгеден астам қаражат қайтарылды.

Тағы бір маңызды іс — Жезқазған қаласындағы газбен қамтамасыз ету жүйесіне қатысты коммерциялық парақорлықты тергеу болды. 2023 жылы жергілікті газ шаруашылығы қызметкерлері азаматтардан газға қосылу үшін ақша талап еткен. Құқық қорғау органдарының араласуымен кінәлілер ұсталып, мәселе шешілді.

Бұл және басқа да істер — жай ғана цифрлар мен фактілер емес. Олар азаматтардың құқықтарын қорғауға, тәртіп пен әділеттілікті қалпына келтіруге бағытталған нақты әрекеттер. Осындай күрделі жағдайлармен жұмыс істей отырып, Арон Сейдгазимов өзінің қызметінің еліміздің қауіпсіздігі мен азаматтардың құқық қорғау органдарына деген сенімін арттыру үшін маңызды екенін жақсы түсінеді.

Арон Сейдгазимов экономикалық қылмыстарды тергеуге балалық шағынан бері қызығып, өз қызметінде қылмыстарды ашумен ғана емес, сонымен қатар мемлекеттің экономикалық қауіпсіздігін қамтамасыз етумен де айналысуда. Ол үшін маңыздысы — адамдар экономикалық қылмыстардың салдарын түсініп, заңды сақтау қажеттілігін сезіну.

«Менің миссиям тек қылмыстарды ашу емес, сонымен бірге қоғамды заңдарды сақтау маңыздылығы туралы ақпараттандыру. Әрбір құқық қорғаушы азаматтардың мүддесін қорғау, әділеттілік пен қауіпсіздікті қамтамасыз ету үшін жұмыс істеуі керек», — деп атап өтті Арон Сейдгазимов.

Бүгінде Арон Сейдгазимов өз қызметін үлкен ықыласпен жалғастыруда. Оның өз миссиясына деген сенімі, күрделі қылмыстық істерді ашудағы шешімділігі және жоғары кәсіби қасиеттері оны үлгі тұтарлық маман етіп, экономикалық қылмыстармен күресте еліміздің қауіпсіздігін қорғауға арналған шынайы кәсіпқойларды көрсетеді.